الثلاثاء، 30 مارس 2010

وشـــــوش باهتــه





مش كل جريح في الهوي مظلوم
ده كتير ظالم
ولا كل دموع الهوي طاهره
بكفايه دموع
ولا كل حنين في الهوي واصل
يصبح موصول
ولا كل حزين عـَْمال يبكي
راح نبكي عليه
آآآآه يا دنيا وشوش من تحت وشوش
و وشوش باهته لابسه في وشوش
مش كل كلام إتقال في الهوي
لازم يــِــٌـصدُق
ولا كل جبال الشوق بتدوب
من نظرة عين
ولا كل مراكب عشق تاهت فـ البحر
لازم ترسي
ولا كل وحيد يفتح قلبه
راح نجري عليه
آآآآه يا دنيا وشوش من تحت وشوش
و وشوش باهته لابسه في وشوش
مش لازم قيس في الهوي ديماً
يصبح مجنون
مش كل نساء الكون ليلي
فيه قلوب بتبيع
ولا تسأل ليه ؟
آآآآه يا دنيا وشوش من تحت وشوش
و وشوش باهته لابسه في وشوش
مش لازم تصحي تشوف الشمس
جابت بكره
مش لازم نور من لاجل تشوف
ده كتير تايهين
وبرغم النور
ولا حاسين بيه
آآآآه يا دنيا وشوش من تحت وشوش
و وشوش باهته لابسه في وشوش
.

الثلاثاء، 23 مارس 2010

مغنــواتـــــــــي




مغنواتي وكلامي دوا
وترياقي من قلبي
وأنا قلبي قارب وغارب
و الغربه مش ذنبي
ده الذنب ذنب الهوي
و هوايا مش جنبي
كان جنبي لكن بــِعد
سابني فـ مرار غٌــلبي
***
مغنواتي نايــِي إنشرخ
والحيره تِــملي العين
و العين عليكي تِــدور
تِــرجع بمُـر البَــين
و البَــين عليا إنكتب
مكتوب و أروٌح أنا فين
و لفين هـَـروح بعـدِك
طعم المرار مراريَــن
.

الله يسهلك يا حبيبي



إن كنت سعيد وإنته بتبعد
وبجد سعيد
أنا مش هندهلك ترجعلي
مادام إنته سعيد
وإن كنت يا عمري نويت تبعد
وتروح لبعيد
أو شايف سكه غير السكه
أو حب جديد
الله يسهلك يا حبيبي
وده مش تهديد
مش هزعل لو راح تنساني
مع إنك سـِـبت في أحضاني
أحزان غير حُـزني اللي ملاني
قال يعني الحُـزن عليا جديد
وبقولهالك كده من قلبي
الله يسهلك يا حبيبي
وده مش تهديد
ولا عندي عتاب واللي ملامه
ما أنا قلبي تعب منك ياما
وأخرج من توهه لدوامه
و أخرج من جرح لجرح جديد
و صدقني بقولك من قلبي
الله يسهلك يا حبيبي
وده مش تهديد
ياللي إنته بعيد
خليك مرتاح
مادام إنته سعيد
.

السبت، 20 مارس 2010

مشتاق لعنيك


مشتاق لعنيك
بس إنته خلاص غمضت عنيك
و مشيت من غير ما تمد إيديك !
و مشيت من غير ما تقولي سلام !
***
ونسيت وخلاص وقفلت الباب
و مشيت بتقول إن أنا كداب  !!! !!! !!! !!!
طب هكدب ليه ؟
وكدبت في إيه ؟
وبتبعد ليه ؟
و أما أسأل ليه بتقول كداب ؟
متردش ليه ؟
و ألائيك تسكت  !!!
و الصمت جواب !!!
وما يجيني كلام  !!!
***
و تسبني أدوق مر الأيام
واللهي حرام
الظلم حرام
و إن كان يرضيك
تنسي الأيام
و تفوتني أوام
وأسهرلك ليلي و إنته تنام
أنا هصبر بس هقول لعنيك
الظلم حرام
***
مشتاق لعنيك
يا فايتني غريق بحرالأوهام
الشط قصادي بيبعد ليه ؟
وبيعند ليه ؟
وكأنه سراب
والطير من فوقي بيصرخ ليه ؟
والجو غيوم
و العتمه ضباب
وده موج ده واللي جبال وركام ؟
و المركب ليه عـ  البر حطام ؟
***
ياللي إنته زرعت فـ قلبي هواك
و بدرت بذورك هنا وهناك
و مشيت و أخدت الروح وياك
مسألتش نفسك ببعد ليه ؟
أو يمكن حتي يكون مظلوم
و إن إنته حكمت بظلم عليه
و هفوته وحيد يطرح أشواك
بئي ده إسمه كلام ؟
***
مشتاق أنا ليك
وحشتني عنيك
وبنادي عليك
و تعبت أنادي عليك ما ألائيك
ما يجيني جواب
و لا حتي كلام
مش يبقي حرام؟
و تسبني فــ عتمة ليل أوهام
و تروح وتنام
و اللهي حرام
***
حلفتك ياللي في قلبي هواك
أمنتك بالقلب اللي معاك
إن كنت هناك
سلملي عليك
.

الخميس، 18 مارس 2010

إحلـم و إضحـك و عيـش



إوعاك في يوم تفتكر
ما للأماني سبيل


إحلم وظقطط وعيش
ده الفرح ماله مثيل

وإمسك نجوم السما
شق في سواد الليل


طير عند أخر الكون
رفرف و حب و ميــِل


و إسبح في قلب الفضا
ده براح وشوف كام ميل


و إمسك في ساعة رضا
تلقي الهموم هتزيل

شد اللجام للسما
و إضرب في بطن الخيل


إركب فلوكة شوق
سهرانه وسط النيل


و إفتح ببان الحلم
خليها عـ التساهيل


و إكسر قيود الحزن
ده الحزن مُر عليل


و فـ قلب قلب الصيف
نام عـ السحاب يا جميل


و إن دقٌــت قــَرصِة شِـتاك
إضحكله في المواويل


ده الحزن فيك شلال
لو سبته مره يــِسيل


و إن مره حزنك ملاك
إضحك و لَّو ... تمثيل
.