جـــــــــــواز علــي كــــف عـفــاريــت

عـــــــــــــــــــــاوز أتجـــــــوز
هتجوز علي روحي يا عالم
هتجوز ومانيش مسؤل
تضرب تقلب او تتشلقب
عاوز أتجوز مش معقول
***
نفسي في وحده تكون معقوله
لو كانت كده مش معدوله
بس أتجوز ،،، نفسي أتجوز
ليه الدنيا بقت مقفوله
***
نفسي أقولها وري المأذون
والمنديل يتلف في إيدي
و واحد صحبي يكون مجنون
ويقوللي هتندم يا هريدي
***
نفسي في زفه و بيب بيب بيب
نفسي في زفه وهيصه وليصه
هوه جوازي أصبح عيب
هوه جوازي حاجه عويصه
***
نفسي ألبس بدله وأتصور
والمعازيم يجوا كده حواليا
وصحابي يشيلوني يرموني
وعروستي تتخض عليا
***
نفسي أقطع تورته وأفرق
وأديله وأنسي إني أديلك
و واحد صحبي يجي يهرق
وأتعاص و أمسحها بمنديلك
***
نفسي في يوم الصبح أما أصحي
القي فطاري في قلب سريري
أفتح بؤي وهيه تكور
ترمي الاكل وييجي في زروي
***
نفسي أتخانق ويا مراتي
وأخرج وأخد الباب في إيديا
تهريني هيا إتصالات
وتقول حضرت الملوخيه
***
نفسي في يوم أفرح وأتنطط
لما تقولي نفسي في مانجه
وأجري وأشوف أتوبيس وأتشعبط
وأنسي المانجه وأجبلها رنجه
***
نفسي حماتي تطلع عيني
و أدعي عليها إنها تتوكل
و إن جـت مره زيارة علي سهوه
أجري أتخض ... و أقع أتشنكل
***
بس اتجوز
أيوه اتجوز
نفسي اتجوز
إمتي اتجوز
عاوز اتجووووووووووووووووووووووووووووووووووووووووز
.