و نعيـش نمــوت مـن غيـر قمـــــــر

ّ                                                                         ّ










ّ 
                                                                        ّ
غاب القمر
و الكون ضلام شق الغيوم
والليل يتيم
وحده وحزين
من غير قمر
وبحس بيه مولود جريح


مكسور يا ليل وما قلت أه
مقطوع يا ليل حبل الحياه
والبحر غرقان في السما
ومفيش يا ليل قارب نجاه
تايه وتاه مني الدليل
والليل يا ليل
في العتمه تاه
***
غاب القمر
و الكون ضلام شق الغيوم
والليل يتيم
وحده وحزين
من غير قمر
وبحس بيه راضع فراق


غرقان يا ليل وسط الهموم
هربت يا ليل كل النجوم
والفجر زعلان مـ السما
ومالوش وجود
والشمس حلفت تختفي
تنسي الوجود
راح النهار
مش راح يعود
***
غاب القمر
و الكون ضلام شق الغيوم
والليل يتيم
وحده وحزين
من غير قمر
وبحس بيه مفطوم رحيل


دبلت يا ليل كل الغصون
فوق الشجر
غرقت يا ليل كل السكك
تحت المطر
تاهت يا ليل كل الدروب
عن البشر
والنسمه ... خاصمت خدنا
و الحزن ... ناوي يودنا
و الفرح راح
مش راح يعود
***
غاب القمر
ضيع معاه حلم السهر
وبكت عيون كل البشر
لاجل القمر
حتي الطيور
خاصمت خلاص غصن الشجر
بعد أما سهرت كل يوم
حيرانه تستني القمر
لكن خلاص
حكم القدر
هنعيش نموت
من غير قمر
.