سلاموا عليكوا
....... ؟
............... ؟؟
................................ ؟؟؟
الله !!!!؟
سلامواا عليكواااااااا
!!!!!!!!!!!!!!!!!!!!!! ؟
الظاهر مفيش حد هنا !؟
ع العموم أنا هتكلم معاك إنته :-)
ولو مش فاضي هكلم نفسي
يعني هيه دي أول مره
ع العموم
أحب اعرفك بنفسي :
أنا اسمي محتاس
:-)
متتريقش
:-(
أما عن عمري ,,,
اللي هوه سني يعني
فعمري لا يقدر بتمن ,,,
أو تقدر تقول كده لأنه راح خلاص
:-(أو علي رائي الشاعر اللي قالك
أن العمر لا يكيل بالبتنجان
بشتغل إيه ؟
هههههههه
يخـيـبـك
أنا بشتغل أهوجي ,,,
وأحب افهمك من دلوقت إن فيه فرق بين
( ال أهوجي و ال قهوجي )
الأولاني بيقعد علي الأهوه ,,,
علي اعتبار انها( أ هوايه ) يعني
هوه مزاجه كده يا اخي
هاوي يقعد ع ال أهاوي
والتاني بيعمل الشاي و القهوه ,,,
وخلافه طبعا
,,,,,,,,,,,,,,,,,,,,,,,,,,,,,
وانا من النوع الاولاني
ال هواه طبعا
أيـــــــــــوه ,,, أهو كده بالظبط
يعني الواد رعــــد القهوجي ده بيشتغل عندي
:-)
بس سيبك أنته ,,,
كلام في سرك
مش انا بس اللي اسمي محتاس ,,,
ولا أنا بس اللي عمره راح ,,,
وبرضوا مش أنا بس اللي بشتغل أهوجي
بص
أغلب الأغلبيه الغلوبه الغلبانه اللي غلب غلبها وغلب غلب اللي جابوها والمغلوبه علي أمرها
من شباب البلد دي زيي
ده إذا كنت تتكرم وتعتبر واحد بسناني دي يعتبر شاب
:-(
المهم مطولش عليك عشان متقولش أن أنا رغاي
واللي قول براحتك
انا حر
وانته حر
والجو حر
باختصار أنا واحد من معتادي الجلوس علي المقهي
ومكاني الترابيزه اللي هناك دي اللي تحت الشجره
,,,,,,,,,,,,,,,,,,,,,,,,,,,,,,,,
!!!؟؟؟
أيــــــــــــــــوه المتدشدشه بتاعة المعوقين دي
اللي من ايام تحتمس افندي الأولاني عشر دي
وانا مسميها ترابيزة الحواديت
وبيقعد معايا شخصيات مهمه كتير
شخصيات بارزه ومش بارزه
مع اني اساسا مش عارف يعني ايه بارزه
بس انا سمعتها كده
هبقي احكيلك عنهم وعن حواديتي معاهم
ومن نوعية الشخصيات دي هتلاقي فيهم
ال
برجوازيين علي بوتجازيين
ليبراليين علي فرانين
اصوليين علي وصوليين
مستثمرين علي فلاحين
مطربين علي حلاقين
ديمقراطيين علي جزارين
سباكين علي نجارين ونقاشين
،،،
ده حتي البشمهندس أميتاب باتشان كان قاعد معايا امبارح
اه بجد
،،،
والحمد لله طبعا
كل الشخصيات دي مثقفه
ده فيه واحد منهم لسه رامي ثقف بيته امبارح
,,,
,,,,,,,,
,,,,,,,,,,,,,,,
طبعا رامي ثقف بيته متعنيش مسك السقف بإيده وقام راميه !!!!!؟؟؟؟
يعني بناه يعني
زلط ورمل وكده يعني
,،،
ما علينا
اهي شخصيات والسلام
بس فيهم إتنين من احب الشخصيات لقلبي
عـــم نــافـــش
و
عـــم مـنـفـــوش
وسبحان الله
الأتنين مالهمش أي علاقه بمصطلح النفش ولا النفشنه ولا الإنفتاش ده خالص
دول يا عم ناس أطيب من الطيابه بجد ,,,
و كلام ثقه من أخوك
هما كده فعلا
بس فيه مشكلتين ,,,
وده مع إني بحبهم برضوا
***
الاولي
ميجوش يقعدوا معايا مره
إلا و يحلالهم الكلام والزعيق جوه فروة راسي
ويتعاملوا فيها كأنها مساكن ايواء
يعني نوم و أكل وشرب وــ،،،ـــ (تـيـت ) في نفس المكان
بجد بحس إني مفيش حل غير إني
أخلع دماغي واسيبهالهم
إنشالله يعملوا عليها فتة دماغ
مش واكل منها بس يحلوا عني
أصل ديما تقوم بينهم حرب
ويمسكوا في مناخير بعض
وبيني وبينك ،،، انا بقرف
ده حتي أخر مره يا عيني عم مـنـفــوش اتهزم
وخدته علي مناخيري , قصدي علي كتفي وروحته
ولما رجعت
لقيته نسي مناخيري في جيبي !؟
لاء
قصدي
مناخيري في جيبه !؟
يووووووووووووووووه
مناجيبي في خيروا !؟
ياااااا دي الـنيـــله
المناخير بتعته في الجيب بتاعي
ما علينا
والحرب بتاعتهم ايه بقي ،،،
حاجه كده زي حرب المائة عام اللي كانت بين فرنسا وإنجلترا
وأنا بين الاتنين متحاصر حصار الاغريق لمدينة طروادة
والحكايه إن عـمـــك نــافـــش إكمنه علي اسم فاعل يعني
مش عاجبه الاوضاع اللي بتحصل ع القهوه
كل شويه يغلوا المشاريب
والشاي اللي مبقاش ليه اي طعم
والكراسي اللي قطمت ضهرنا ومش عاوزين يغيروها
دي حتي تكعيبة العنب اللي كنا بنقعد تحتها زمان باعوها لمستثمر من البر التاني
نسيت اقولك ان القهوه بتبص علي ترعه تجنن
المهم
أل يعني بتوع البر التاني هما اللي هيزرعولنا العنب واحنا اتكسحنا
وكله كوم والباب التاني اللي فتحوه في القهوه من الناحيه التانيه
واللي بيدخل علي جزء جديد في القهوه لسه معمول جديد
واسمه مارينا قهوه او حاجه كده
ده يا عيني جايبله اسهال في دماغه
!!!
ما علينا
وباقي حركات القهوجيه النص كم دي اللي احنا كلنا عارفنها ,,,
واخدلي بالك انته
و عـمـــك مـنـفـــوش إكمنه علي اسم مفعول به يعني
ومن النوعيه اللي بتمشي جنب الحيط
لاء
بتمشي جوه الحيط
لاء لاء
بتمشي تحت الحيط
،،،،
والله انا خايف ع الراجل ده أوي
ده لو قالولوا امشي ع الحيط هيقول حاضر!؟.
المهم يعني عـمـــك مـنــفـــوش ده طيوب خالص
يجيلوا الشاي
من غير سكر
بيشرب ويقول نعمه ,,,
!؟
شاي من غير شاي
بيشرب يشرب ويقول الحمد لله ,,,
!!؟؟
ده مره جابولوا شاي ناشف من غير ميه
شربه وقالك بكره تتعدل
!!!؟؟؟
المهم أنا بقي محتاس
و طالع عيني بين الاتنين
***
والمشكله التانيه
ودي ميحلهاش غير الفيتو
لما بيجي وقت الحساب ع المشاريب
واحد يجيله اسهال من غير تحديد موعد
ويمسكــ ،،،،،
مناخيره يعني
و يجري يدخل الحمام
والتاني يمسك الموبيل اللي مفيهوش شريحه اساسا
ويعملك فيها عبدو قرانص
( أحمد ماهر في فيلم شمس الزناتي )
وانه مشغول في تهريبة بلح الشام للجيش الانجليزي
كل واحد منهم يعمل انه من بلاد تركب الافيال
او انهم من كوكب زحل ومبيفهموش لغة الاوباش الارضيين
بحس ساعتها اني كنت قاعد مع مخلوقات من كوكب تاني
مخلوقات متعرفش يعني ايه فلوس وحساب
و مبتعتقدش في الكلام الفارغ ده
اه وربنا
بس أوعي حسك عينك تفتكر إني جلده أو بخيل
يكون في علمك
انا اخر حاجه افكر فيها هيه الفلوس
ومشـ،،،
و مشــــ،،،،،،،
و مشــــــــــــ،،،،،،،،،
,,,
احم ,,,
ثواني عشان الواد المزعج ده اللي اسمه رعــــد القهوجي جاي عشان الحساب ,,,
عبيط ده واللي ايه ؟؟؟؟
مع اني مشربتش حاجه
احم ,,, احم
ايوه يا استاذ رعــــد بيه باشا
إنته بقالك ساعه قاعد و مطلبتش حاجه ؟
وانته عارف إن دي قهوه مش تكية المرحوم
ودي مش اول مره
احم ,,, احم
مهو اصل الحـــ,,,,
طرررااااااااااخ
بووووووووووووم
طررررررررر بوووو طرراااخ بو وووووم ررررراااااااااااااااااخ
،،،،،،،،،،،،،،،،،،،،،،،،،
نفسي اقوم من ع القهوه دي مره بمزاجي
ومن غيرما انضرب
:-(
:-( :-(
:-( :-( :-(
احم ,,,
طب اسيبك أنا عشان افتكرت معاد مع واحد صحبي مدير بنك كان محتاج مني قرشين سلف
ونبقي نكمل
ده لو رجعت تاني
:-(
.jpg)
.bmp)