من نبع ليلَه سَـقـّـاك
خلاّك مسكت سـَمـّاك
و أما إلتفت وراك
قام وسط بحره رمـّاك
فعطشت مشربتش
يا غريق و لا وصلتش
قلبك شبكته في قلب كان ,,,
مسجون في بــّـنوره
متعلقه تحت السما ومن زمان,,,
سلالمها مكسوره
طوحت قلبك في الفضي
و فردت حلمك ع المدي
و يادوبك الحلم إبتدي
فجأة إنقضي
أتاريك يا قلبي زرعت حلم
جذوره مبتوره
في جزيره مهجوره
غرقان يا قلبي هنــّاك
و الحيره موج غطــّاك
ولا طوق نجاه ويــّاك
يا قلبي بترجــّاك
هوه إنته متعبتش !؟
و اللي إنته مفهمتش !؟
ألواّن و محبوسه في إطار ,,,
بتنادي و تقول فـُـكني
و الصوره في حالة إنهيار ,,,
فجريت عليها و سبتني
أتاريها زيف حاضن كيان
متداّري في الضعف اللي بان
و إللي إنته شفته أبيض ده كان
إسود جبان
و أتاريك يا قلبي كسرت قيد
بــّـنوره مسحوره
مسكونه في الصوره
.
.jpg)
.bmp)