أنا مليت
انا مليت أكون واقف علي بابك
ومستني
سحابة صيف تطمني
بقالي كتير علي ده الحال
مجاش مرسال يطمني
وخايف يوم تغيب شمسك
وأشوف قمرك يغيب عني
يمر اليوم في عتمة ليل طويل
والوحدة تقتلني
عجيب امرك
وزاد مرك
وطول عمرك
بتأمري ... وأقول امرك
لكن مليت
أنا مليت متسمعينيش
برغم إني علي بابك
دنا متوضي من نيلك
دنا صليت علي ترابك
وياما إتكحلوا بدمي
وداس الخد خطابك
أسير شمسك وأنا محني
ونقطة ميه في سحابك
أنا كالموج بيتكسر
علي صخرك علي بابك
زرعت الصبر ... من طينك
وياما عرقت ... في جبينك
حرام تنسي إللي عاشقينك
وتجري علي إللي سارقينك
سقوكي المـُر في شبابك
أنا زعلان علي امبارح
علي بكره إللي لسه مجاش
لكن عشمـّان تفوقي في يوم
وأشوف الظلم مبيقواش
عشان خاطري
بلاش أبعد بعيد عنك
عشان الظلم مخلاّش
عشان خاطري
بلاش أتباع في مرة بلاّش
عشان خاطري
بلاش أبعد
دنا منك ومستغناش
دنا منك ... ومستغناش
.jpg)
.bmp)
plz , don't fall in desperation u talk like him,like his words . i said to him that
ردحذفu r talented god give u more advantages than others plz don't fall try to overcome troubles and defeated wrong things by every advantage of them of them trade on all of them even u were in a bad circumstances. dont stop follow your dream