.
يا قلبي لسه بحذرك
و بخيرك
إبعد
بلاش يوم أخسرك
و بلاش تنادي الحب يوم
ده لو ناديته يجرجرك
و يسهرك
بص في وشوش المجروحين
تلقي العذاب شيء مُـشترك
لو رُقت ويا الحب يوم
ده ألف يوم هيعكرك
و يوترك
و إن يوم رسيت في الحب يوم
أيام كتير هيتوهك
ويحيرك
ده الحب دوامه ومتاهه
و في المتاهه هيعصرك
لو كنت في الحب الملك
مملوكك اللي هيأمرك
و إن كنت ناسي
أفكرك
الحب كاس مـُر و مرار
لو دُقت منه هَيـِسكِرك
و هيسحرك
تلمح خياله كأنه طيف
تنده عليه
ما يعبـّرك
تروحله جري
يمسمـّرك
و إن مره شـُـفت الحب شُّوف
يفضل يا عيني
يمشـّورك
ويقولك إيه كان أخّـرك ؟
و فـ النهايه
هيهجُـرك
ويجيب عاليك واطيك في يوم
و تحس إنه بيكسرك
و بيجذُرك
يا قلبي إيه اللي مصبرك ؟
أو حتي مين كان أجبرك ؟
يا قلبي قول للحب لا
و إن قلت اّه
راح أخسرك
.
.jpg)
.bmp)
ليست هناك تعليقات:
إرسال تعليق