هقولك إيه ؟
و أعدلك إيه ؟
يا بنت الإيه
بحبك
بس مش عارف بحبك ليه !
يـجوز يعني
عشان عينك بتسحرني
و فيها كلام محيرني
و ليها الشوق يجرجرني
و يجبرني
أقولك ع اللي سهرني
بحبك
بس مش عارف بحبك ليه !
يجوز يعني
عشان شعرك تملي يطير
ويعمل قلبي طياره ورق بتطير
محلق فوق سما سابعه لكنه أسير
بدون تإثير
يا بنت الإيه تعبتيني من التفكير
و بحبك
بس مش عارف بحبك ليه !
يجوز يعني
عشان ضحكة سما صافيه
و بسمة شوق جميل دافيه
و للمجروح كما البلسم تكون شافيه
بدون عافيه
بحبك بس ... مش كافيه
بحبك
بس مش عارف بحبك ليه !
بحبك و الرموش سارحه
بحبك و الخدود طارحه
بحبك حتي لو جارحه
بحبك يا أغلي مـ الفرحه
وفـ الأخر هقولك إيه
بحبك
لاء بدوب فيكي
عشان قلبك يا بنت الإيه
بحبك
و السما تشهد بحبك ليه
.
.jpg)
.bmp)
ليست هناك تعليقات:
إرسال تعليق