يا رب يارب يارب
انا من تراب
والإرادة هى سرك فيه
تنوره بحكمتك
وبرحمتك تهديه
تراب وسرك
اذا مس التراب يحييه
إلهمنى حب الخير
حب الجمال والحق
خلينى اقول للشيطان
مهما غوانى لاء
علمنى أثبت ولو زال
الجبل وانشق
الهمنى يااارب علمنى
يارب يارب
سبحاانك
في عيدك يـّـمه مش عارف أجبلك إيه ؟ و أنا أعمل إيه؟ مهو إنتي العيد وجودك عيد وحضنك عيد طب أعمل إيه ؟ أجبلك قلبي ؟ مش نافع عشان قلبي أنا ملكك أجبلك روحي ؟ مش نافع عشان روحي تدوب عشقك أجبلك عيني ؟ مش نافع عشان مش راح تشوف صورتك طب أعمل إيه ؟ هجبلك بكره و أهديكي الأمل كله و أصون فجرك و أبوس إيدك و أبوس خدك و هرسم ع القمر رســـمك و من تاني راح أغزل في الضلوع إسمــك و ألف الشمس في جبيني و أنورلك طريق أخضر و لو تخلص بحور المـّي راح أرويكي ببحور دمي ودموع عيني و هغزلك في شال فضه و أروح من نبعك أتوضي و أقول للكون دي ست الكل نتمني الرضا ترضا في عيدك يــّـمه كل الكل بيحبك و أنا محتار و مش عارف أقول كلمه سوي كلمة أنا يــّـمه أنا بحبك
أنا تايه و متشتت و متبعتر في ميت سكه و متغمم و حاجه في خطوتي شابكه و متكمم وحاجه في صرختي ماسكه و إيه هيه ؟ مانيش عارف لكن أسلاك كتير شايكه و اّه مبدوره ع السكه أنا تايه و متشتت ما أنا لوحدي أنا و حيرتي في ميت ربكه أنا بنفسي لقيت نفسي مجرد حبر علي ورقه * * * أنا حاير و ليه مسروقه أحلامي !؟ وليه هربانه أيامي !؟ و ليه بتموت ؟ دنا الثاير و شفت الحلم في منامي و كان بيخطي قدامي و كان مبسوط ده أنا بنفسي رميت يأسي و قلت الدنيا مش فارقه * * * أنا و إنته بقينا إتنين ! ده مش معقول أنا و إنته بقينا إتنين ! و كِـترّ القول أنا و إنته بقينا إتنين ! و بكره نِـزّول خُـلاصة القول مهيش فارقه ما أنا و إنته بقينا خلاص مجرد إسم علي ورقه .
.jpg)
.bmp)