بس إنته خلاص غمضت عنيك
و مشيت من غير ما تمد إيديك !
و مشيت من غير ما تقولي سلام !
***
ونسيت وخلاص وقفلت الباب
و مشيت بتقول إن أنا كداب !!! !!! !!! !!!
طب هكدب ليه ؟
وكدبت في إيه ؟
وبتبعد ليه ؟
و أما أسأل ليه بتقول كداب ؟
متردش ليه ؟
و ألائيك تسكت !!!
و الصمت جواب !!!
وما يجيني كلام !!!
***
و تسبني أدوق مر الأيام
واللهي حرام
الظلم حرام
و إن كان يرضيك
تنسي الأيام
و تفوتني أوام
وأسهرلك ليلي و إنته تنام
أنا هصبر بس هقول لعنيك
الظلم حرام
***
مشتاق لعنيك
يا فايتني غريق بحرالأوهام
الشط قصادي بيبعد ليه ؟
وبيعند ليه ؟
وكأنه سراب
والطير من فوقي بيصرخ ليه ؟
والجو غيوم
و العتمه ضباب
وده موج ده واللي جبال وركام ؟
و المركب ليه عـ البر حطام ؟
***
ياللي إنته زرعت فـ قلبي هواك
و بدرت بذورك هنا وهناك
و مشيت و أخدت الروح وياك
مسألتش نفسك ببعد ليه ؟
أو يمكن حتي يكون مظلوم
و إن إنته حكمت بظلم عليه
و هفوته وحيد يطرح أشواك
بئي ده إسمه كلام ؟
***
مشتاق أنا ليك
وحشتني عنيك
وبنادي عليك
و تعبت أنادي عليك ما ألائيك
ما يجيني جواب
و لا حتي كلام
مش يبقي حرام؟
و تسبني فــ عتمة ليل أوهام
و تروح وتنام
و اللهي حرام
***
حلفتك ياللي في قلبي هواك
أمنتك بالقلب اللي معاك
إن كنت هناك
سلملي عليك
.
.jpg)
.bmp)
human is very weak before his beloved sometimes unable to speak or explain his reasons due to his volcanic feeling of love , in such like this momemts he cant stand to expression for saying may be he keep silence
ردحذف