السبت، 17 ديسمبر 2011

إقفلوا كتاب التاريخ

.



.

إقفلوا  كتاب التاريخ

بإعتذار للذكريات

إعتذار واضح صريح

و إنسحاب للأمنيات

و إملوا قلب الكون صريخ

 إرفعوا لليل رايات

وإرحموا ضهر الخيول

و إنزلوا وحـّـنـوا الرجول

و إدفنوا كلمة إصول

إرحلوا بكل اللغات

 جمعوا كل الولاد

و إلبسوا لون السواد

و إعلنوا دهرين حداد

ده الشريف بس اللي مات

 داروا عينكم م الكسوف

  و إرفعوا كل الكفوف

 هيه ارجل من إلوف

 فـإستروا ست البنات

و إنصبوا وسط الميدان

100 صوان

 و 100 ضريح

الجريح  واقف جريح

والشهيد لساه جريح

وإحنا ليه رضعنا السكات

 إقفلوا ياللاه الكتاب

و الحساب يوم الحساب

الحساب يوم الحساب

إيد بتحرق  إسم مصر

إيد بتدبح  قلب مصر

إيد بتحرق وصف مصر

إيد  و عــّرت بنت مصر
.

هناك 3 تعليقات:

  1. حلوة جدا بس الخط صغير جدا ولا يمنع انها كلها احساس رائع بما نحن فيه ولكن فينك من زمان وفين كلامك الجميل

    ردحذف
  2. اشكرك جدا وفعلا مكنتش واخد بالي من موضوع الخط ده

    ردحذف
  3. hi best blogger , this is very good return :) i like it very much

    the end have not come yet
    all of us must still say to them "go away" we must insist more on our aim with more patient. we should be all in unit with more specific target ... we should determine our enemy more than that .. WE MUSN'T GIVE UP THIS WAY if our hope is difficult to reach

    like this women is great coz she didn't give up the matter to them , history will open his books to say that

    finally i hope if i see u in the square
    i hope to see u one soldier of the square soldiers

    ردحذف