دماغي بتاكلني ودماغي في دماغي
دماغي بتكبر وهتجيب في داغي
وداغي يا عالم دي جزء في دماغي
دماغي بتعمل دماغ ،،، دمداغون !؟
دماغي بتاكلني وعندي انشكاح
حجات في الطراوه يا فل الصباح
دماغي جعانه ونازله في صياح
يا ريت جبنه رومي وشوية ،،، زتون !؟
دماغي يا خلق دماغ بس اصلي
حلاقها بلاطه ما انا شب عصري
دماغ بنت نكته دماغ حد مصري
دماغ من النضافه بتشرب ،،، صابون !؟
دماغي يا عالم حاططها في نفوخي
بنيت فيها فيلا وبعربن في كوخي
دماغ مستكنيس دماغ مستكوخي
دماغ بس حاسب دي مفيهاش ،،، قرون !؟
قانوني في دماغي قانون المرور
شوارعها ضلمه تخليك تغور
طريق جي رايح ولا حته نور
هتربط حزامك هتصبح ،،، زبون !؟
دماغي فاهمني وعارف ظروفي
زمان كنت بلعب وبنطح خروفي
الخروف جاتله جلطه وقالوا يا خوفي
عليك يا ابن سبعه يا نور ،،، العيون !؟
مألفط دماغي و واخدها ببساطه
وسايق الهباله وسايق العباطه
انام ع المخده انام ع البلاطه
ولما بتقفل بشم ،،، أسبرون !؟
انا قلت اكتب واعمل دماغ
دماغ في الكتابه دماغ في الفراغ
سلامة دماغك يا عم الدماغ
سلامتك وبطل تئـربع ،،، لمون !؟
دماغي تقولي ،،، هتكتب ؟ ،،، هتكدب ؟
وانا اقولها يعني اسمع وأقلب ؟
دماغي قالتلي هتزهق هتتعب
طريق الكتابه نهايته ،،، الجنون !؟
دماغ لما تسرح بأجر بمنادي
يدور في الشوارع عليها ينادي
بخاف حد يطمع و فيها يدادي
انا مش خايف عليها
بس اصلي من غيرها مش هعرف ارد ع ،،، التلافون !؟
.jpg)
.bmp)
i used to see writers very easy to tell every thing about their private life experience by thier pens hidden among their pappers hard to speak all this tough feelings directly by tongue wheather it was crazy matters or serious one exactly like him
ردحذفi wish if i can write like u to can empty my personal thoughts and secrets
i have a faith when u want to know a writer personal secrets u must go to sail to his writings world
u make good memories came again best blogger dont stop writing