نام واتغطي وكـلفـت نفسك

إلي كل من ذهب غدرا" وأبكانا دهرا"

نام واتغطي وكـلـفـت نفسك

وبكره هتصحي تموت مش فارقه
غيرك قضي حياته في غربه
عمال يجري يا ناس و بحرقه
ولما يا عيني حب يعاود
كان قدره يركب في الغارقه

كل ده عادي
وبقي شيء عادي

إبنه يا عيني عليه بينادي
سامع الصوت بيزعق غادي
وأمه بتشكــــــي
وبـتـه بتبكــــــــــــي
ومرته بتصــــــــــــــــــرخ

كل ده عادي
وبقي شيء عادي

هوه وصاحبه وطفل بيحبـي
راحوا يا عيني في شربة مية

كل ده عادي
وبقي شيء عادي

وإنته يا رامي الناس في المالح
جالك قلب تدوق المية ؟

ورب الناس
لتدوق م الكاس
جيلك يوم راح فيه تنداس

لو مش هنا
في الدنيا الجايه

وإنته يا شايف
وإنته يا سامع
إقروا الفاتحه لأرواح جاية

أصلك مصري وغاوي تسامح
حتي لو إبنك جوة المالح
حتة في سمكة
وحتة في مية

نام واتغطي وكلفت نفسك
بكره هتصحي تموت مش فارقه