أنا خايف
لكن من إيه ؟
مانيش عارف
لكن خايف
أنا في ضلمة
غريق في الضلمة مش شايف
لكن سامع
أّنين جوايا بيعافر
وصوت أنفاسي كان حوالية بيعافر
وبلة ريق كانت في الحلق بتعافر
أنا جوايا ضملة كتير
واّاّاّاّهه كبيرة وسط ضلوعي بتعافر
ومش شايف
ومش عارف
ما أنا خايف
لكن من إيه ؟
مانيش عارف
لكن خايف
ملكني الخوف في وسط الضلمة خلاني
أغمض عيني وأتغطي بكّفيني
نزل عرقي علي جبيني
تواسية بالدموع عيني
بجس القلب أشوف نبضة
... لقيت النبض كان واقف
عشان خايف
لكن من إيه ؟
مانيش عارف
لكن خايف
أنا محبوس ما بين قضبان ضلام وسكوت
وجوة ضلوعي شيء مكبوت
خنقني الخوف بحد الموت
حاولت أصرخ بعلو الصوت
لقيت الخوف ملي قلبي
اللي كان نبضة اكيد واقف
عشان خايف
لكن من إيه ؟
مانيش عارف
لكن خايف
وحيد في الضلمة متقيد
و متكتف
و متحاوط بسور الخوف
في وسط البرد متعري
مفيش فوقي ولا تحتي
أنا مكشوف
بقالي سنين تمـُر الشمس من فوقي
متشرقشي
أقول ده كسوف
أنا مسجون
و سجاني مهوش معروف
علي الإفراج مانيش ملهوف
و وري قضباني أنا واقف
وري القضبان أنا خايف
لكن من إيه ؟
مانيش عارف
لكن خايف
أنا جوايا بيــــر محفور
حفرتة بإيدي وسكنته بقالي سنين
علي جدرانه
راح تلقي مكان إيدي علي الجنبين
سكنته عشان مفيش بكرة ولا بعدين
و لو في العمر فيه ساعتين
هقضيهم وأنا مستني كدة واقف
هقضيهم وأنا خايف
لكن من إيه ؟
مانيش عارف
لكن خايف
... أنا خايف
.
.jpg)
.bmp)
هاي
ردحذفانا بجد مشفتش حد بيقول كلام بالشكل اللي تحس كان فيه موسيقي تصويريةاو اني اقري كلام بحس وأنا بقراه اني شايفاه كانة كليب او صورة متحركة بتعبر
بجد انتة حد هايل مع انك وجعتني جدا
متمكن من الصوره , من الكلمات , تأمرها فتطيع فاذا دنيت تدانت بكل الحياه بكل المشاعر .عزيزى الكاتب انت اكتر من موهوب , ربما الالم ربما الحياه ولكنى اعلم ان الكلمات لا تفك طلاسمها الا لمقتدر . انصحك النشر .بيرو
ردحذفplz, break ur prison , dont fear anything but allah as long as god wiz us make sure u can do every thing , i wish if i were said that to him
ردحذف