كنت راكب ميكروباص ,
واللي جنبي شب مصري
شب مصري بس عصري ,
عصري جدا حاجه اصلي ،
بسأله الساعة كام ؟
رد قاللي ,
It's Two
إتس تو
رحت سأله مره تانيه
رد قاللي
It's Two
إتس تو
قمت سأله مره تالته !!!
قام زاغرلي بنص عين
قام شاورلي بصباعين
قام قايلها مرتين
It's Two ,
إتس تو
It's Two ,
إتس تو
قلت هه ؟؟؟
رد واحد كان ورايا
وكان مكشر
It's Two ,
إتس تو
مره تانيه قلت هه ؟؟؟
قام زاعق فيا و قايللي
are you idiot ?
أر يو إيديت؟
؟؟؟؟؟؟
مره تالته قلت هه !!! ؟؟؟
قمت ساكت ,
،،،،،،،،،،،
جوه قلب الميكروباص
كنا قاعدين مزنوقين
محشورين
تعبانين
حرانين
طهقانين
قرفانين
،،،،،،،،،،،،،
فجأة طلعت بـت حلوه ,
بـت حلوه بنغزتين،
حاطه ريحه من يومين ،
بـت كده بين البنين
بـت م اللي عيونها تسحر ,
مره توعد ،
مره تهجر,
نارها تحرق قول متين 200
قام صاحبنا منجعص ,
قام مطلع من جيوبه جهاز عجيب
تك تكه وقاله هاي ,
قوم شويه وقاله باي
وقام باصصلي
ومبتسملي
وراح سألني
Where do you go ؟
وير دو يو جو ؟
قلت هه !!!؟؟؟
وقمت ساكت
جوه مني كنت خايف
كنت بسألني إنته فين ؟
كنت بسألني إنته مين؟
كنت بسال دولاه مين ؟
قلبي دق
جوه مني كله دق
مره وحده
قمت زاعق ,
قلتله حاسب يا إسطي ,
قام باصصلي وراح مفرمل ,
قاللي خير
قمت نازل
روحت جاري
قلتله
و بعلوا صوتي
It's Two
إتس تو
It's Two
إتس تو
.jpg)
.bmp)
its too upnormal ur talented expression about ur ideas. how come come to ur ideas! this is so light and very nice topic
ردحذفالتوبك ده تحديدا" مش هقدر أجاوبك غير بالعربي
ردحذفأنا علي رائي اللي قاللي
إن فيه " أنا " تاني جوايا بيصحييني من عز النوم و بيقوللي قوم أكتب ... فبكتب
:)
go on best blogger, even if u write to only one person who was convinced and satisfied by ur writtings
ردحذفi have a wish to awak your another one to make u write more
فى ناس كدا
حذفطب تصدق بمين؟
قول لا اله الا الله
كنت فى المكروباص فى مرة وواحد ركب بسمعات وحركات ...فخبط ست عجوز اوى ...راحت الست بصاله حتة بصة ..فالولد قالها sorry...يعاديك ع اللى حصل وكم الشتايم وكمان بتقول سورى يا ..تـــــيت.......طبعا الولد ولا سامع بس حس من نظرات الناس حواليه ..وكلها خمس دقايق وكان نازل....
زى ما انت قولت فعلا..شب مصرى بس عصرى