اللي تهون عليه قهوة غيره ، تهون عليه ،........ ( إتنين شاي )

سلاموا عليكوا
إزيك يا باشا
تصدق بايه انك وحشتني
معلش اخر مره سيبتك فجئتن كده
بتقول ايه ؟
ايه حكايه نافش ومنفوش دي ؟
اقولك
زمان من يجي عشرتاشر سنه كده مكنتش انا ولا انته اتولدنا
وده طبعا علي لسان عمك نافش ومنفوشكان فيه قدام القهوه دي اللي انا وانته قاعدين عليها
قهوه في البر التاني قصاد مننا طوالي
وكانت الحياة فل والمنطقه كلها قهاوي بلدي
بس في يوم مظرتن بستين ظرتينه
لقينا السما بتحمر وتصفر والجو اتعكر وحسينا اننا بنشم في زباله
لقينا ايه ؟؟؟
خير اللهم اجعله خير
ولو ان بعد كل الظواهر دي مينفعش يكون خير
ما علينا
ال ايه واحنا قاعدين ع القهوه لقينا كائنات فضائيه
بس كائنات فضائيه من تحت الارض
ومتسألنيش ازاي ( هيه كده )
نزلت ع القهوه اللي في البر التاني اللي قدامنا
وهاتك يا احتلال
والصراحه تنقال
زباين القهوه مسكتوش
وقاموا يدافعوا عنها
و احنا كمان مسكتناش
مش احنا جيران
ده مهما كان برضوا القهاوي لبعضيها
ما علينا
روحنا نساعدهم
والكائنات تحتل واحنا نقاوم
الكائنات تحتل واحنا نقاوم
لحد ما خلاص
فـسسسسسسسسسس خلاص مفيش نفسسسسس
معدش ينفع مقاومه وبقي امر واقع
والقهوه اللي قدامنا اتقلبت كافي شوب
و كيسكو تيك
علي ايد المحتالين الفضائيين
اللهم غير ركن كده في القهوه قدرنا ننجده بقدرة قادر
عملنا فيه نصبه بلدي وكرسيين
المهم عدت ايام كتير وشهور اكتر والوضع كما هوه عليه
اللهم غير شويه دوشه وخناقات لا تودي ولا تجيب
واصحاب القهوه يا عيني لفوا ع المحاكم ومخلوش
بس كان الحكم الازلي
يبقي الوضع كما هوه عليه
وعلي المتضرر اللجوء للحجه ام بشوي
ما علينا
المهم
وفي يوم اغبر تاني
وواضح كده ان الايام الغابره هتبقي كتير
ال ايه ،،،
ال يقولك ان الكائنات دي حبت تعاقبنا عشان وقفنا مع جيرانا
فقررت انها تاخد الترابزتين اللي تبع قهوتنا و اللي علي شط الترعه
وتضمهم لمملكة الكافي شوب بتاعتهم
بس الشهاده لله
زباين القهوه مسكتوش
كل واحد رمي اللاي بتاع الشيشه من ايده
واللي كان بيشرب في كوبايه شاي رماها
ومسكتوش الا لما رجعوا الترابزتين
وإحكاكا" للحك __ق_
ده كان بمساعده اخونا في القهاوي التانيه برضوا
وكان من ضمن الناس اللي جريت وهبت وحررت الترابزتينعمك نافش و عمك منفوشالاولاني يا عيني
خدله مطوه في رجله
خلته يكمل بقيت حياته ماشي بعكاكيز
وكمان بونيه في عينه
خلته يشوف الدنيا بابعاد مختلفه
يعني تمدله ايدك عاوز تسلم عليه
يمسكك هوه من ودنك ويقولكحصلت البركه
اهلا وسهلا
انتوا مبتجوش ليه!!!؟؟؟

بس الشهاده لله
الناس المسؤله عن القهوه قدرت تضحياته و مسابتهوش
عملوله كارنيه يكشف ببلاش في المستشفيات المجانيه

والتاني يا عيني

خدله شومه وحده بس في نافوخه
بس شومه ايه شومه ملو بعيد عنك
يعني اللي ادهاله واحد متخصص في علم الضرب بالشوم
ودي يا حسره جابتله تربنتينا في نافوخه
يعني ممكن تبقي قاعد معاه بقالك ساعتين
وتلاقيه مره وحده
قام علي حيله
وبصلك
وخدك بالحضن
ويقولك انته جيت يا رمضان
او ممكن تلاقيه قالك جمله علي شاكلة
( الاغنيه بتاعة بريله بريله بريليله

اللي بيمثل فيها الملك حسين اوباما وطمور حصني مع سعد اطرش

دي اساسا متخده من كتاب طبق اليوم لابن خلدون

واللي بيشرح فيه طريقه حلاقة الدقن

مع شوربة صوابع رجلين العيال الصغيره )

بس برضو الشهاده لله
الناس المسؤله عن القهوه قدره تضحياته و مسابهوش
عملولوا ابونيه يركب بيه قطر الصعيد ببلاش

بس هوه لسه مقررش يموت محروق
واللي غريق
واللي ناقص قرنيه او كليه
هوه ممكن يموت بالسكته النافوخيه

ما علينا
ومن الواضح كـــ ،،،،،
،،،،،،،،،،،،،،،،،،،،
بقولك ايه
الواد رعــــد جاي
اخلع انا
ســلا ـــــــ،،،،

طرررااااااااااخ بووووووووووووم طررررررررر بوووو طرراااخ بو وووووم ررررراااااااااااااااااخ

يااااااااااااااا دي النيـــــــــــــــــــــله