لملمت ضلوع قلبي
في بعدك
وسكنت الأه
اّاّاّهة مشتاق
مستني رجوعك بالثانية
وقفلت ببان روحي عليا
وسافرت بعيد
ووصلت لحد رموش عينك
جمعت في قش
وعملتلي عش
وفرشت ونمت علي خدودك
مستني شروق روحي في عينك
برسملك بوسة علي جبينك
وبيعللي النبض بانفاسك
مع كل شهيق
بتمني اتحول لو ذرة دايبة في نسيم
تدخل جواكي متخرجشي
فغلبني النوم
فلقيتني هناك
اول ما عنيا لقت عينك
فاكرة الاحداث
؟
انا فاكر كله و بالثانية
اول طله
اول نظرة
اول لمسة
اول كلمة
اول بسمة
اول ضحكة
لحظة ميلاد
اول خطوة في اول ميعاد
انا فاكر كله و بالثانية
شايفك قدامي ودلوقتي
وحاسس بيكي
والخوف جواكي مغطيكي
والحيرة في رعشة علي ايديكي
نبضك عالي ومتداري في صمت
قلقانة وخايفة لاكون هوه
مع انك عاوزة اكون هوه
باين في عنيكي ومن جوة
باين وصريح
بس اضطراب
بين النقيضين
بين الاتنين
بين بين وبين
مكسوفة ونفسك لو تجري علي احضاني
بين بين وبين
بين الاتنين
الخوف بيقولك ياللاه عشان نرجع تاني
بين بين وبين
بين الاتنين
قلبك بينادي عليكي يقول ليه بس الخوف يبقي اناني
بين بين وبين
بين الاتنين
حتي عيونك
من وري نضارتك بتنادي
وبتقولي
قرب متجيش
بين بين وبين
بين الاتنين
محتارة يا عيني ومش وحدك
طب ما انا زيك
واحد محتار
واقف جنبك
عيني بتقولي انته في جنة
والشوق جوايا يقولي في نار
زيك بالظبط ومتلخبط
وبقول ده خيال
مع اننا لاجل ما نتقابل
عدينا اميال
وجرينا سبقنا الكون كلة
عدينا جبال
لكن هيهات
من كتر اللهفة وقفنا ثبات
بعد التخطيط
والسيناريوهات
لكن لحظة
مش نافع نفضل كدة ساكتين
ده العمر معاكي يادوب ساعتين
ودول بس يومين
اللي هنسرقهم من الدنيا
دول بس يومين
قلت اما أتونِس بعيونك
زحت النضارة أوام و بِصمت
مديت كفي وفي ايديكي حضنت
وكمان قربت
بصيت في العين وضحكت
حسيت بخدودك بتفتح
ولقيت من وري نضارتك نور
كما نور الشمس
بيقولي صحيح انته اللي بنيت قصر في قلبي ؟
معقولة في لحظة بقيت جنبي ؟
حسيت بنسيم الكون كله جاي علينا
جاي بيرقص
وبقلبي رقصت
قربتي شوية كمان جنبي
وضحكتي في صمت
وسمعت عيونك بتنادي
بتقول في سكات
احضني بعينك خبيني
من دنيا لدنيا وعديني
خدني في درعاتك غطيني
ضمني جواك كدة وداريني
قرب اكتر
بوسني بعيونك في جبيني
لو بس بايدك تلمسني
صدقني بلمسه هتشفيني
نزلتي ستار الحيرة أوام
حضنتنا قلوبنا وقالوا كلام
يااااااااااه ع اللهفة
و ياااااااااااااااااااه ع الاشواق
لملمت حجاتك علي كتفي
وجرينا سوي شابكين خطوتنا في احضانا
نامت ايدك تحضن كفي
وجرينا عشان نسرق دنيتنا من الدنيا
وتمر اللحظة والتانية
كدة بالثانية
قمت اتململت
وصحيت علي صوت بيصحيني
أتاريه كان صوت انفاسك جوايا
فتحت عيوني لقتني في دنيا غير الدنيا
من تاني سمعت في صوت الدنيا بانفاسك
ولقتني في عش
محاوطني القش
ولقتني في نومتي علي خدودك
وعرفت بأني سرقني النوم وانا فوق خدك
بصيت علي عينك كانت لسه سارقها النوم
ضميت في شفايفي
وبعت في بوسة علي جبينك
و حضنت العش اللي بنيته فوق خدينك
و
من تاني رجعت
ولملمت ضلوع قلبي في بعدك
وسكنت الأه
أأأأأأأأأأأأأأأأأأأأأأأأأهة مشتاق
مستني شروق روحي في عينك
مستني رجوعك بالثانية
.jpg)
.bmp)
this is my best one, kol ma adkhol 2a2raha, mesh 3arfa my comments betwsal wala la ? bas if not, that is enough to read ur words coz u look like him
ردحذفi am on line now & I'm happy for every letter you typed in ur comments
ردحذفand I'm afraid if ask who is him ?
dont be afraid when ask about him coz i am very eager to talk about my darling . he is the one only man who live through me, the only writer i have faith in his words , the ghost of him follow me in my everyday life he is the soul which never let me aloan he is the only one who come to me in my dreams speak about every feeling together wiz our eyes only by looking each other, he is my smile, my keeper angel who stood beside me in fantasy and mysterious way trying not bother me or declear why he do that... thats not enough but its hard to tell about a story which strange like akind of legand even i my self unable to explain what and how closeness between my soul and his
ردحذفOptimistically I hope reunion you and your's ( him )
ردحذفkindly follow this link and tell me if you like it
http://4we1.blogspot.com/
thanx for your sweet hope , reunion is some kind of impossible this is my fate but i have faith if god not allowed me that in life time, it will be in the other life .
ردحذفgladly, i will follow ur link talented blogger